ఈసారి ఎన్నికల్లో ఆధునిక ఈవీఎం యంత్రాలు

New EVM

ఎన్నికల షెడ్యూల్ ప్రకటన వెలువడిన నేపథ్యంలో రాష్ట్రంలో ఎన్నికల తీరుపై రాష్ట్ర ప్రధాన ఎన్నికల అధికారి భన్వర్ లాల్ వివరాలు తెలిపారు. ఈసారి ఎన్నికల్లో ఆధునీకికరించిన సరికొత్త ఈవీఎం యంత్రాలను వినియోగిస్తామని చెప్పారు. రాష్ట్రంలో ఈ పర్యాయం 76 లక్షల మంది కొత్తగా ఓటర్లుగా నమోదయ్యారని వెల్లడించారు. కొత్తగా ఓటరుగా నమోదు చేసుకునేందుకు ఈ నెల 9 చివరి తేదీ అని స్పష్టం చేశారు.

ఓటు హక్కు పొందడానికి ఇదే చివరి అవకాశమని తెలిపారు. కొత్త ఓటర్లకు కలర్ ఫొటోగ్రాఫ్ తో కూడిన వినూత్న స్మార్ట్ కార్డులను ఈ నెలాఖరులోగా అందజేస్తామని భన్వర్ లాల్ పేర్కొన్నారు. పాత ఓటర్లు కూడా స్మార్ట్ కార్డులను ఈసేవా కేంద్రాల్లో పొందవచ్చని సూచించారు. కాగా, ఎన్నికల్లో పోటీ చేసే అభ్యర్థులు తమ అప్పులు, ఆస్తులు, కేసుల వివరాలను అఫిడవిట్లో తప్పక పేర్కొనాలని స్పష్టీకరించారు.

Have something to add? Share it in the comments

Your email address will not be published.