ఖైదీలకు ఫోన్ సౌకర్యం: జైళ్ల శాఖ డీజీ

Phone-facility-in-prison

రాష్ట్రంలోని కారాగారాల్లో ఖైదీల సౌకర్యార్థం ప్రత్యేకంగా ఫోన్ సౌకర్యాన్ని అందుబాటులోకి తీసుకువస్తున్నట్లు రాష్ట్ర జైళ్ల శాఖ డీజీ కృష్ణరాజు చెప్పారు. రాష్ట్రవ్యాప్తంగా ఉన్న జైళ్లలో ఆయన తనిఖీలు నిర్వహిస్తున్నారు. ఈ తనిఖీల్లో భాగంగా శుక్రవారం ఏలూరులో జిల్లా జైలులో తనిఖీలు నిర్వహించి, ఖైదీల సమస్యలను ఆయన అడిగి తెలుసుకున్నారు. అనంతరం డీజీ మీడియాతో మాట్లాడారు.

రాష్ట్రంలో ఉన్న కేంద్ర, జిల్లా, సబ్ జైళ్లలో సిబ్బంది కొరత ఉందని, కొత్తగా నియామకమైన సిబ్బందికి శిక్షణ ఈ నెలాఖరుకి పూర్తవనుందని అన్నారు. ఖైదీల సౌకర్యార్థం ఇటీవల చర్లపల్లి జైలులో ఫోన్ సౌకర్యాన్ని ఏర్పాటు చేశామని, ఆ ప్రయోగం విజయవంతమైందని ఆయన పేర్కొన్నారు. దీంతో ఈ విధానాన్ని మిగతా జైళ్లకు విస్తరించనున్నామని.. రాజమండ్రి, విశాఖ, నెల్లూరు, కడప సెంట్రల్ జైళ్లలో ఫోన్లను ఏర్పాటు చేస్తున్నామని డీజీ తెలిపారు. ఆయన వెంట జైళ్ల శాఖ డీఐజీ నరసింహ తదితర అధికారులు పాల్గొన్నారు.

Have something to add? Share it in the comments

Your email address will not be published.