చర్చకు గడువు పెంచొద్దు: రాష్ట్రపతికి నారాయణ లేఖ

CPI-narayana

రాష్ట్రవిభజన బిల్లుపై చర్చకు గడువు పెంచవద్దని సీపీఐ రాష్ట్ర కార్యదర్శి నారాయణ రాష్ట్రపతి ప్రణబ్ ముఖర్జీకి లేఖ రాశారు. ఆ లేఖలో బిల్లుపై చర్చకు ఇచ్చిన 40 రోజుల సమయం వృధా చేశారని, అందుకే అదనపు సమయం ఇవ్వాల్సిన అవసరం లేదని ఆయన లేఖలో సూచించారు.

అసెంబ్లీ ఆవరణలో ఆందోళన చేసే వారిపై రాజద్రోహం కేసు పెట్టాలని సీపీఐ రాష్ట్ర కార్యదర్శి నారాయణ డిమాండ్ చేశారు. రాజ్యాంగ స్ఫూర్తికి విఘాతం కలిగించే విధంగా శాసనసభ జరుగుతోందని ఆయన అన్నారు. రాష్ట్ర విభజన అంశంలో కాంగ్రెస్, టీడీపీ, బీజేపీలు ద్వంద్వ నాలుకల ధోరణితో వ్యవహరిస్తున్నాయని ఆయన ఆరోపించారు. పార్లమెంటులో తెలంగాణ బిల్లును ప్రవేశపెట్టి ఆమోదించాలని ఆయన కేంద్రప్రభుత్వాన్ని కోరారు. కోస్తాంధ్ర, రాయలసీమ ప్రాంతాల సమస్యలకు శాశ్వత పరిష్కారం చూపాల్సిన బాధ్యత ప్రభుత్వానిదేనన్నారు. ఆధార్ కార్డు అమలులోని లోపాలపై త్వరలో రాష్ట్ర వ్యాప్త ఆందోళనలు చేయనున్నట్లు నారాయణ చెప్పారు.

Have something to add? Share it in the comments

Your email address will not be published.